Cihâna pertev-i mihr-i cemâlin lemʿa-tâb olsun

Sipihre hüsn-i nûr-ı vech-i pâkin âfitâb olsun

Güşâde-bend-i sînen inşirâh-ı sadr-ı âşıkdır

Açıl ey gonca-i bâğ-ı vefâ bir feth-i bâb olsun

Dirîğ etme gedâyân-ı derinden nakd-i ihsânın

Zamân-ı devlet-i hüsnünde âlem kâm-yâb olsun

Yapılsın dest-i lutfunla sarây-ı hâtır-ı ahbâb

Dil-i vîrâne-i düşmen harâb-ender-harâb olsun

Gubâr-âsâ gönül kûyunda pâ-mâl olmadan kaçmaz

Türâb-ı makdem-i yâra hemân bir intisâb olsun

Nedîm olmuş işitdim bezm-i kurba tûti-i gûyâ

Biraz da hem-zebânın hâlis-i şirîn-cevâb olsun

Son Yazılar