Bu şeb uşşâkdan ol meh yine rûyun nihân tutmuş

Ki kûyun ser-be-ser hengâme-i şâhım amân tutmuş

Değil çeşm-i kebûd ol ebruvânın zîr-i tâkında

İki âvâre kumrîdir ki gelmiş âşiyân tutmuş

Yürüt peymâneyi cânlar bağışla sen de ey sâki

Ki mutrıb râhatü'l-ervâh ile devr-i revân tutmuş

Dikiş tutsun mu çâk-i gonca seyr etdikde ruhsârın

Tutalım dikdigin nev-nahl-ı gül ey bâğbân tutmuş

Aceb mi el ayak tutmazsa rindân-ı kadeh-keşde

Teb-i endûh-ı hecr ol nâ-tüvânı çok zamân tutmuş

O hûn-âşâma etmiş mâcerâ-yı aşkımı işrâb

Yine ey dil meger bu dîde-i giryânı kan tutmuş

Gelir ol şûh-ı nâzende iki desti yine kande

Bir elde sâgar u bir elde câm-ı erguvân tutmuş

Bu gün gördüm Nedîmâ geçdi bin nahvetle dil-dârın

Kirişme dâmenin destin hınâ-yı hüsn ü ân tutmuş

Nedîm

Son Yazılar