Bu nîce leb ki âb-ı hayât aña mât olur

Bu nîce leb ki âb-ı hayât aña mât olur

Bu nîce kad ki tûbî aña iki kat olur

Gün yañaguñ safâsı-la nev-rûz olur u îd

Gice saçuñ hevâsı-la Kadr ü Berât olur

Gözüm katında Mısr-ıla Bagdâdı itme yâd

Derdüñde göz yaşum nice Nîl u Furât olur

Zülfüñ hevâsın anuñ-ıçun iderem heves

Kim câna ol hevâ-yı hoş asl-ı hayât olur

Zülfüñ esîri cevre gerek ide ihtimâl

Bu ışk yolıdur ki tolu müşkilât olur

Yâr ol-durur ki yârına itdügi vac deyi

Komaya yarına ki cihân bî-sebât olur

Hoş ider Ahmedî leb ü dendânuñı sıfat

Bu nice bahr-ı lü’lü vü kân-ı zekât olur