Biñ mübtelâyı mihnet ile her dem öldürür

Biñ mübtelâyı mihnet ile her dem öldürür

Dil-ber mülâyim olmayıcak âdem öldürür

Genc-i visâl tâlibini ejdehâ-sıfat

Ol halka halka zülf-i ham-ender-ham öldürür

Çeşmüñ şu resme âşıkı gamzeñle katl ider

Bir nâ-tevânı tîg ile şan Rüstem öldürür

Tursun yirinde gamze-i kattâl-i hûn-feşân

Başdan belâlu ‘ âşıkı ol perçem öldürür

Bâkî peleng-i kûh-ı gamuñ pençesindedür

Lutfuñ meded yitişmez ise bir dem öldürür