Bir şâha kulam kim kulı sultân-ı cihândur

Bir şâha kulam kim kulı sultân-ı cihândur

Mihr-i ruhı şems-i felege nûr-feşândur

Katlüme ya müjgânı ya tîri sebeb olmuş

Çün öldüriser tîr hemân tîğ hemândur

Zülfüñ şeb-i Kadr oldı kaşuñ ‘îd hilâli

Vasluñ dem-i ‘îd oldı firâkuñ ramazândur

Ol Yûsüf-i hüsn urdı dile nîze-i hecri

Cânumı alan nîze degül belki sinândur

‘Avnî gözi Mahmûd şehüñ bakduğı bu kim

Mülkin dahîler zabt ider aña nigerândur