Bir yüzden idi yâr ile üslûb-ı muhabbet

Bir yüzden idi yâr ile üslûb-ı muhabbet

Hattıyla erişti hele mektûb-ı muhabbet

Gûy-ı zekanın seyr edeli mâî kabâda

Ağdı göğe hûrşîd gibi top-ı muhabbet

Ne gamze esîr edebilirdi dili ne gam

Olmasa eğer fitne vü âşûb-ı muhabbet

Sînemde ne var ise gamın sildi süpür dü

Pâk etti harîm-i dili cârûb-ı muhabbet

Mecnûn ne bilir kâide-i nâz u niyâzı

Âşık mı sanır kendin o meczûb-ı muhabbet

Dil gamzen ile turrana pek uydu ulaşdı

Hak saklaya ki olmaya mağzûb-ı muhabbet

Nefî gibi küstâh ol eğer âşık olursan

Zîrâ eremez vuslata mahcûb-ı muhabbet

Nef'î