Bir nîm neşve say bu cihânın bahârını

Bir nîm neşve say bu cihânın bahârını

Bir sâgar-ı keşîdeye tut lâlezârını

Dil gerd-i gamsız olma revâ mı ki Kaʿbenin

Ey hâce yılda bir süpürürler gubârını

Peykân gibi lebinde götür onu tîr-veş

Aşkın cerîde tayy edegör reh-güzârını

Âhı yetişdi bülbül-i zârın ki bâğbân

Çûb-ı duhân edindi gülün şâhsârını

Bir dem mi var ki âh ederek anmaya gönül

Ey serv-kad seninle geçen rûzgârını

Şevk-ı tamâm vaʿde-i ferdâyı dinlemez

Reşk ona kim cihânda bu gün buldu yârını

İran-zemîne tuhfemiz olsun bu nev-gazel

İrgürsün Isfahâna Sitanbul diyârını

Düşmen ne denlü saht ise şâd ol ki ey Nedîm

Seng üzre gösterir zer-i kâmil ayârını