Bir iki gün çekelüm cevr ü cefâsın kadehüñ

Bir iki gün çekelüm cevr ü cefâsın kadehüñ

Sürevüz bir dem ola zevk u safâsın kadehüñ

Lâleveş bâg-ı safâda iñen açıldugı yok

Haylî demdür göremez kimse karasın kadehüñ

Câm-ı mey böyle şikest olacagı bellü idi

Halk çokdan okunuşlardı du’ âsın kadehüñ

Haymeler kurdugı dem kanı habâbuñ ayşa

İ’tidâl üzre görüp âb u hevâsın kadehüñ

Bâkıyâ dün gice meclisde gül-efşânlar ile

Mâh-tâb itmiş idük bezme ziyâsın kadehüñ