Bir hüsn dahı bagladı hatdan ‘izâr-ı yâr

Bir hüsn dahı bagladı hatdan ‘ izâr-ı yâr

Etrâf-ı bâg hûb olur olsa benefşezâr

Ebr-i bahâr-ı hüsndür ol zülf-i müşg-bâr

Yagdı izârı bâgına hat sanma zînhâr

Gülzâr-ı hüsni olmaz idi böyle sebzezâr

Akıtmayaydı yaşumı çok çok o gül-’izâr

Esdürmeyeydi sarsar-ı âhum cefâ-yı yâr

Mir’ât-ı hüsni olmaz idi böyle pür-gubâr

Bâkî izâr-ı yârda hat sanma görinen

Zerrâtdur ki mihr-i münîr itdi aşikâr