Bin zebân söylersin ol çeşm-i sühan-perdâz ile

Dâstânlar şerh edersin bir nigâh-ı nâz ile

Dün gece cûş-ı safâdan oldu bir deryâ-yı nûr

Kûçe-i ney mâh-tâb-ı şuʿle-i âvâz ile

Kâr-ı aşka şol gönül bel bağlasın kim geçmeye

Lezzet-i encâm-ı meyden telhi-i âgâz ile

Sen itâb-ı nâz kasd etsen dahı ol çeşm-i şûh

Âşıkın memnûn eder bir şîve-i mümtâz ile

Dil-keş eyler çeşm-i gûyâsın kemân-ı ebruvân

Şûh-terdir nağme-i mutrıb muvâfık sâz ile

Ben gam-ı imrûzu fikr etmekde ferdâlar geçer

Sen salınca vaʿdeni ferdâya yüz bin nâz ile

Çeşmini hâbîde zanneyler gören ammâ Nedîm

Keşf-i râz etmekdedir her lahza bin gammâz ile

Son Yazılar