Bilenler vech-i cânânı bu cism ü cânı neylerler

Bilenler vech-i cânânı bu cism ü cânı neylerler

Görünse şemsin envârı meh-i tâbânı neylerler

Bugünki cennet-i irfâna dâhil olsalar uşşâk

Yarınki va'd olan hûrî veyâ gılmânı neylerler

Bugün a'mâ olan yarın dahi a'mâ olur elbet

Açagör cân gözünü kim bî-basar nâdânı neylerler

Sülûk ehline insân sohbetin bulmak durur maksûd

O sohbet kim bulunsa sohbet-i hayvânı neylerler

Gönül duymazsa vicdân ile Allâh'ı hakîkatçe

Mücerred dildeki ilmi veya irfânı neylerler

Ne hâsıl şol ibâdetden riyâ vü ucb ola anda

Gider şirki gönülden Hakk'a kim tuğyânı neylerler

Salât-ı ehl-i kurbun kıblesidir ''semme vechu'llah''

Ov eche kul olanlar tâat-i noksânı neylerler

Niyâzî ''küntü kenz''in sırrını kendinde buldunsa

Süleymân tahtını yâ hikmet-i Lokmânı neylerler