Bezm sensiz görünür lânegeh-i bûm gibi

Bat-ı mey gam getirir tâ'ir-i meş'ûm gibi

Kesb-i yeddir denilir başa gelen insânın

Safha-i kefde hat-ı cebhesi mersûm gibi

Sensiz ey Yûsuf-ı gül-pîrehenim câme-i feth

Zahm urur cismime pîrâhen-i mesmûm gibi

Görse ol barıka-i hüsnü bütân-ı Keşmîr

Tâb-ı hayretle erirlerdi büt-i mûm gibi

Bî-nemekdir leb-i hecrinde bize ey sâkî

Gerdiş-i sâgar-ı mey lerziş-i mahmûm gibi

Yine bu nazm-ı bülend ile Nedîm ümmîdin

Lahza-i âtıfet-i bâkıʿa-i Rûm gibi

Son Yazılar