Bezm-i hayâle nağme-i şehnâzdır sözüm

Hüsn-i edâya gamze-i gammâzdır sözüm

Ben turfa rind-i şubedebâz-ı tahayyülüm

Manâ-yı sihr ü sûret-i icâzdır sözüm

Sad sâle mürde-i gama cânbahş olur hemen

Güyâ Mesîh-i mucizeperdâzdır sözüm

Tenhâ düşürmeyince demem yâre derdimi

Serbeste arz-ı hâl-i dil-i râzdır sözüm

Meşk istemezse mutrib-i hâmem acep midir

Bîperde her terâneye demsâzdır sözüm

Rûh-ı revân-ı Urfî-yi şâd eylesem nola

Reşk-i nevâ-yı Hâfız-ı Şîrâz’dır sözüm

Nefî ne söz edâsına Urfî vü Hâfız’ın

Ammâ benim serâmed ü mümtâzdır sözüm

Mümtâz-ı âlem olmamağa çâre var mıdır

Zîrâ senâ-yı şâh-ı serefrâzdır sözüm

Medh ü senâ-yı hazret-i Sultân Murâd ile

Şâyeste-i merâsîm-i izâzdır sözüm

Son Yazılar