Beter buldum dil-i dîvâneyi her çend pend itdüm

Beter buldum dil-i dîvâneyi her çend pend itdüm

Saçuñla bend idüp âhir giriftâr-ı kemend itdüm

Hadîs-i târ-ı zülfüñden fakîhe bir sü’ âl itdüm

Cevâba kâdir olmadı herîfi endbend itdüm

Fürûg-ı şu’ le-i dâgum güneşden tâbnâk oldı

Duhân-ı âteş-i ahum felekden ser-bülend itdüm

Gice şem’ -i ruhuñ şevkinde bir kaç beyti yandurdum

Aceb hûb u dil-efrûz eyledüm hoş dil-pesend itdüm

Sözüm Bâkî kemâlin buldı vasf-ı nev-cevânumla

Özüm lutf-ı suhanda hem-ser-i pîr-i Hocend itdüm