Ber-murâd olmamak olmaz olıcak himmet-i aşk

Ber-murâd olmamak olmaz olıcak himmet-i aşk

Ber-devâm ola hemân himmet idün devlet-i aşk

Aşka keyfiyyet-i bî-keyf dimiş ehl-i mezâk

Bâde-i telh ile hiç bir mi olur şerbet-i aşk

Hûblar yolda selâmuna tururmış tutalum

Bakmaga saga sola kor mı seni gayret-i `aşk

Aşıkun rûyını zerd ü işin altun eyler

Böyledür ey dil-i mihnet-zede hâsiyyet-i aşk

Bir gün esrâr-ı mahabbet ide Yahyâ te'sîr

Gözüne âlemi göstermez ola hayret-i `aşk