Benem şol la’l-i mey-gûnuñ gamından eşki âl olmış

Benem şol la’ l-i mey-gûnuñ gamından eşki âl olmış

Hârâbât ehline göñli şikeste bir sifâl olmış

Temâşâ kılmaga gülzâr-ı hüsn-i yâri bî-minnet

Sevâd-ı dîde-i Mecnûn ruh-ı Leylâda hâl olmış

Te’ âla’llâh ne ebrûlardur ol hüsn âfitâbında

Gamından kâmeti mâh-ı şeb-efrûzuñ hilâl olmış

Yine ol gonca-leb bülbüllerüñ kanına girmişdür

Güzellik var bu gün gâyet kızarmış al al olmış

Temennâ kılsa Bâkî sen şehüñ vaslın n’ola Hakdan

Ne deñlüyse umar cândur tutalum kim muhâl olmış