Bend oldu o şûhun görecek zülf-i dütâsın

Bend oldu o şûhun görecek zülf-i dütâsın

Âhır yelerek bâd-ı sabâ buldu belâsın

Olsun ko sabâ da ham-ı zülfüne giriftâr

Çeksin biraz işkence-i kullâb cefâsın

Görsün ne çekermiş dil-i erbâb-ı muhabbet

Başına belâ eylemesin zülfü hevâsın

Geçmezse bu sevdâdan eğer ol yeler onmaz

Âvâreliğin bilmez imiş zevk u safâsın

Mânendi mi var Nefî-i pâkîze kelâmın

Bir kimsede gördün mü dahi tarz-ı edâsın