Ben olsam bir de mutrıb bir de tarf-ı cûybâr olsa

Ben olsam bir de mutrıb bir de tarf-ı cûybâr olsa

Hoş imdi bir de farzâ bir cüvân-ı şîvekâr olsa

Yeter geçdi bu gûne mâlihülyâlarla evkâtım

Amân bir gün mukaddem âh fasl-ı nev-bahâr olsa

Tahassür hadden aşdı lâlenin seyriyle mest olsak

Cemin defn etdiği şeş-hâne sâgar âşikâr olsa

Bize geldikde inkâr eyleme ıkrârını zâlim

Demişsin yok demezdim bâde-i şîrin-güvâr olsa

Aceb pistânına benzer mi dikkat üzre bir baksam

Sen açsan sîneni bâğ içre bir kaç da enâr olsa

O şûhun hasretinden çâr-çeşm-i intizâr olduk

Bize nevbet erişse bârî ebrûsu çehâr olsa

Senin vasfında cânâ bir neşât-âver gazel gördüm

Olursa tâze eşʿâr öyle pâk ü âbdâr olsa