Ben gülem pür-hâr içinde bülbülüm ‘aşkdur benüm

Ben gülem pür-ḫâr içinde bülbülüm ‘aşḳdur benüm

Bülbülem aġyâr içinde hem gülüm ‘aşḳdur benüm

Cümle varım virmişem ‘aşḳıñ yolında her nefes

Dü cihânıñ varlıġından taḥṣîlim ‘aşḳdur benüm

Sırr-ıla ‘aşḳıñ içinde dôstı pinhân bulmuşam

Vâṣıl-ı Ḥaḳ olmaġa gizli yolum ‘aşḳdur benüm

Aşḳa irmeyen cihânda ḫaṣmına bulmaz ẓafer

Nefsi maġlûb eylemege hem âlim ‘aşḳdur benüm

Tevḥîd-i ef‘âliñ aṣlından bilen añlar bunı

Arıyam hem ḳudret-i Ḥaḳdan balım ‘aşḳdur benüm

Dôst cemâlından tecellî vaṣfını söyler bu dil

Nev-bahâram tâze bitmiş sünbülüm ‘aşḳdur benüm

Siz gelüñ Ümmî Sinânı añlamañ lâf ü güẕâf

Şâh-ı merdân sırrı vardur düldülüm ‘aşḳdur benüm