Belî hemîşe nigeh nâbe-câ-yı nâz ister

Esîri lîk ser-efkende-i niyâz ister

Revâc-ı hüsn-i bütân hatt-ı ruh-tırâzende

Hemîşe bâl-i hümâ-yı perîde bâz ister

Aceb mi âh-keş ü sîne-kûp olursa gönül

Mezâk-ı tâze-cünûn tarh-ı söz ü sâz ister

Düşerdi fitneye teb-lerze-i hirâsânı

Dese nigeh seni çeşm-i sitîze-sâz ister

Aceb neşîmen-i insâfa var mı cây-ı güzer

Muʿâşirân-ı sühan bezm-i imtiyâz ister

Nedîm olmağa şâyân nazra-i tahsîn

Bu gûne şâhid-i maʿnî kirişme-bâz ister

Nedîm

Son Yazılar