Başlar kesilür zülf-i perîşânuñ ucından

Başlar kesilür zülf-i perîşânuñ ucından

Kanlar dökilür gamze-i bürrânuñ ucından

Peykân-ı belâ cânuma işler geçer oldı

Ey kaşları ya nâvek-i müjgânuñ ucından

Dil darbın urur kalbe firâkuñda dem-â-dem

Kan aglasa zahmum n’ola peykânuñ ucından

Yüz sürmek umar pâyüñe üftâdeler ammâ

Nevbet mi deger kimseye dâmânuñ ucından

Mürg-i dil-i Bâkîyi görüñ fâhteâsâ

Efgân ider ol serv-i hırâmânuñ ucından