Baña ışkuñda n’itsün ped-i nâsih

Baña ışkuñda n’itsün ped-i nâsih

Ne assı âşık olana nesâyih

Baña ögüt viren görse yüzüñi

Ola gün bigi özrüm aña vâzıh

Saçuña sûre-i Kadr oldı nâzil

Yüzüñden âyet-i nûr oldı lâyih

Ayaguñ tozınuñ bir zerresi-çün

Baha bin cân viren kişi ola râbih

Saçuñ sevdâsına gitse dil ü dîn

Ne çâre akla çün ışk ola râcih

Bu-durur maslahat âşık olana

Ki ide câna degin terk mesâlih

Saçuñ vasfın dir-iken Ahmedînüñ

Nefes agzında olur anber revâyih