Baña cevri firâvândur nigâruñ

Baña cevri firâvândur nigâruñ

Nitekim gül firâkından hezâruñ

Göñül ol bî-vefâya sabr u ‘ışkuñ

‘Iyân eyle ne kim var yoğ u varuñ

Göñül bir dem figândan olma hâlî

Egerçi nâleye yok iktidâruñ

Göñül feryâduña rahm itmez ol yâr

Aña beñzer ki hoşdur âh ü zâruñ

Göñül almakda key çâbüktür ol zülf

Giçürme elde dururken şikâruñ

Sen olduğuñ [yire] uğramaz ol yâr

Ne nef‘i yol başında intizâruñ

Görür kim bî-zer ü müflis gedâsen

Saña ‘Avnî niçe yâr ola yâruñ