Bana kan agladur hicrân deminde çekdügüm gamlar

Gelür bir bir hayâle rûz-ı vaslunda geçen demler

Güler oynardı dil bâzîçegâh anlardı dünyâyı

Kanı ol şevkler ol `üns ü hâletler o`âlemler

Anun her târı nice âşıkun kaddini bükmişdür

Ne anlarsın dilâ bî-câ mıdur zülfindeki hamlar

Ziyâfet eyledün a`lâ vü ednâyı nedür bülbül

Bülend ü pest ol âvâzeler ol zîrler bemler

Misâl-i meclis-i şâh itdi Yahyâ sahn-ı gülzârı

Murassa` câma döndürdi gül-i ra`nâyı şeb-nemler

Son Yazılar