Baht uyansa hâba varsa dîde-i bîdârımız

Düşte bârî gayrıdan tenhâ düşürsek yârımız

Gökte her bir ahtere yüz bin şerâr eyler kırân

Kevkebe bastırdı çarhı âh-ı âteşbârımız

Şâh-ı aşkız her ne emr etsek musahhardır felek

Oldu mâh-ı nevle hizmetkâr-ı hançerdârımız

Biz hazân u hâr kaydından beri bülbülleriz

Sîne-i pür dâğımızdır bâğımız gülzârımız

Biz reh-i aşk içre terk-i ser kılan âşıklarız

Çıkmasa Ferhâd’veş başa acep mi kârımız

Bezm-i gamda cismimiz bir şem-i şevkengîz olur

Âteş-i dilden tutuşsa gûşe-i destârımız

Bâde-i aşka hum olmuş bir tabîattan çıkar

Âlemi mest etse ey Nefî nola eşârımız

Son Yazılar