Bagrınun yagın eritdi subha dek akıtdı dem

Bagrınun yagın eritdi subha dek akıtdı dem`

Yâr önünde çok tenezzül eyledi dün gice şem`

Bâd tahrîk ideli zülfün perîşândur gönül

Ol perîşânı ele al pâdişâhum eyle cem`

Na`l-kes dir yâr nice dinlemez âdem sözin

Kâşki olsa vücûdum başdan ayaga sem`

Feyze isti`dâd lâzım olmasa mânend-i bedr

Himmet-i mihr ile her kevkeb virürdi nûr u lem`

Câna sultân-ı mahabbet eyledi Yahyâ hücûm

Kal`a-i ârâm u hısn-ı sabrı itdi kal`u kam`