Bagrumı yaru nice urdı gamzeñüñ pekânı gör

Bagrumı yaru nice urdı gamzeñüñ pekânı gör

Gözlerümden nîce ahar yüregümüñ kanı gör

Zülfüñüñ sevdâsına göñlüm olup-durur esîr

Ne belâ dâmına düşmişdür bu ser-gerdânı gör

Ol leb-i la'lüñde gören müşg-i hâlüñi didi

Nîce bulmış Hızr bu ser-çeşme-i hayvânı gör

Cân behâ itdüm ayaguñ topragına didi akl

Kim bu gûher kıymetini bilmedi bu nâ-dânı gör

Ne belâdur ala gözüñ k’âl-ıla cânlar alur

Bu kamer devrinde sen bu fitne-i devrânı gör

Olalı göñlüm mekâmında şehâ c ışkuñ mukîm

Genc-ile ne hoş imâret oldı bu virânı gör

Hüccetini yüzüñüñ rûşen ideli Ahmedî

Nice nâzük-nakş ider bu defter ü dîvânı gör