Aşkın meyine ben kana geldim

Aşkın meyine ben kana geldim

Şevkin oduna hoş yana geldim

Şem'-i tevhîdi gördüm yakılmış

Gitdi karârım pervâne geldim

Halka-i zikri kurmuş âşıklar

Bende sahnında cevlâna geldim

Mecnûnum bugün Leylâ derdinden

Neylerem aklı divâne geldim

Derdi cânânın açdı yaralar

Bağrım üstünde dermâne geldim

Ümmî Sinân'ın hâk-i pâyine

Sürmeğe yüzüm sultâna geldim

Yaramı bildim yârimden imiş

Bunda Niyâzî Lokmân'a geldim