Aşkuñla kılup kâmetini dâl karanfül

Aşkuñla kılup kâmetini dâl karanfül

Arz itdi saña mûy-ı sefîd âl karanfül

Farkında kılup yâsemeni dâgına penbe

Aşkuñda geçer baş açuk abdâl karanfül

Kad serv-i çemen yâre dehen gonca-i gülzâr

Hat müşg-i Huten çihre semen hâl karanfül

Maksûdı bu kim lâle-sıfat göstere pervâz

Ruhsârı hevâsında açar bâl karanfül

Geh şîşe gehî kühne-sifâl ile kılur ‘ ayş

Bâkîveş olup işrete meyyâl karanfül