Aşkun odına ey gül yanarsa cân-ı şeydâ

Aşkun odına ey gül yanarsa cân-ı şeydâ

Her bir avuç külinden bir bülbül ola peydâ

Mülk-i dile o lebden hakkâ ki korkı vardur

Câ`iz ki bir şererden `âlem yana ser-â-pâ

Mey-hâne-i mahabbet mestânelerle toldı

Peymâneler pür oldı `ârif oturma tehnâ

Dil sâfdur kederden ammâ güler yüz ister

Hûb olmayana neyler âyîne-i mücellâ

Hâl-i ruhını gözler zülf-i siyâhın özler

Yahyâ sevâd-i çeşm ü kalbümdeki süveydâ