Aşka kâbil dil mi yok şehr içre yâ dil-ber mi yok

Aşka kâbil dil mi yok şehr içre yâ dil-ber mi yok

Mest yok meclisde bilmem mey mi yok sâgar mı yok

Gonce-i dil açılup hâtır niçün şâd olmaya

Bâgda güller mi yok gülşende bülbüller mi yok

Görmeziz bir dil ki tûtî gibi güftâr eyleye

Söyledür mi yok cihânda bilmezem söyler mi yok

Sengden dil kem mi yâ seng-i siyâhı la`l iden

Aftâb-ı feyz-bahşâ-yı bülend-ahter mi yok

Niçün ebkâr-ı ma`âni beslemez erbâb-ı nazm

Yohsa Yahyâ gibi üstâd-ı suhan-perver mi yok