Aşk odına yanduġumca râhatım budur hemân

Aşḳ odına yanduġumca râḥatım budur hemân

Arṭura derdimi Ḥaḳdan ḥâcetim budur hemân

Bâd-ı ṣabâ esdigince cânımız bulur ṣafâ

Ḫasta vücûduma her dem ṭâḳatım budur hemân

Yedi ṭamu sekiz uçmaḳdan müberrâyım bugün

Çün naṣîbim ‘aşḳa irdi ḳısmetim budur hemân

İns ü cinni yaradup Ḥaḳ kendüye ṭâ‘at içün

Şöyle bil ḥaḳḳa’l-yaḳîndan ṭâ‘atım budur hemân

Zâhidâ luṭf ile var sen ḳılmaġıl egri naẓar

Tâ ezelden yana geldüm ‘âdetim budur hemân

Küntü kenziñ ma‘nîsinden dersimi ḫatm eyledüm

Dört kitâbıñ varlıġı-çün âyetim budur hemân

Der Sinân Ümmî bâzergânam bâzâra gelmişem

Müşterî olanlara alım ṣatım budur hemân