Açılmayınca gönüller bahârdan ne biter

Açılmayınca gönüller bahârdan ne biter

Bu şiddet üzre olan rûzgârdan ne biter

Mülâyim itmez ise yâri gelmesün hattı

Safâ bagışlamayan sebzezârdan ne biter

Ne minnet eylerüz agyâre yâre yalvaralum

Nihâldür virecek bârı hârdan ne biter

Gerekse mîve-i vasl ol nihâli eyle kenâr

Kenâr-ı bâgda olan çenârdan ne biter

Iderse merhem-i lutfın dirîg o şeh Yahyâ

Belâlu âşıka cism-i figârdan ne biter