Aç gözüñi bir dem uyan

Aç gözüñi bir dem uyan

Sen ey göñül gel ey göñül

Maḥabbet rengine boyan

Sen ey göñül gel ey göñül

Aldanma nefsiñ âline

Yapış bu mürşid eline

İresin ol dôst iline

Sen ey göñül gel ey göñül

Tevḥîde dönder sözüñi

Dergâha dönder yüzüñi

Pâk eyleyü gör özüñi

Sen ey göñül gel ey göñül

Bilürsin bu cihân fâni

Senden evvel gelen ḳanı

Aşḳa ulaşdur bu cânı

Sen ey göñül gel ey göñül

Ümmî Sinân eydür saña

Sözüm budur öñden ṣoña

Çevir yönüñ Ḥaḳdan yaña

Sen ey göñül gel ey göñül