Aybdır kiri kalır destinde yüzde karesi

Derhem ü dinâr ile aldanma cânım pâresi

Öyle bir dürr-i yetîm-i nâzı eyler perveriş

N 'ola ol tıflın sadef-kârî ise gehvâresi

Gerdiş-i sâgar kadar hâlet verirdi âşıka

Tıfl iken ol mest-i nâzın nergis-i bîmâresi

Etmesin bîhûde diller merhem-i laʿlin heves

Hançer-i müşgîn-i ebrûnun onulmaz yâresi

Gösterir âyîne-i zânûda bir gird-âb-ı hûn

Hayret-âmuzân-ı aşkın gerdiş-i nezzâresi

N'ola gitse kendüden hayretle cân-ı nâ-sabûr

Yâ seferdir yâ tahammül çünki aşkın çâresi

Dil yine ser-keştedir tîr-i hevâyî-veş Nedîm

Bir kemân-ebrûnun olmuşdur meger âvâresi

Son Yazılar