Arız-ı zîbâna virmiş hatt-ı müşgînün şeref

Arız-ı zîbâna virmiş hatt-ı müşgînün şeref

Aşık-ı miskînün ârâmı oldı ber-taraf

Olmadı peydâ melâhat bahri mevvâc olalı

Dürr-i dendânun gibi bir lü'lü-'i la`lin sadef

Bulmadı bir füls-i ahmerce yanunda i`tibâr

Nakd-i hûn-ı eşk-i çeşmüm yok yire itdüm telef

Sille-i âh-ı dilümden ey rakîb eyle hazer

Dâ`iren bil gögsüni germe inen mânend-i def

Gûşvâr itmezse dürr-i nazmunı Yahyâ o şâh

Kadr u kıymet bulmaya âlemde mânend-i hazef