Anma mısın şol günü gözün nesne görmez ola

Düşe sûretin toprağa dilin haber vermez ola

Çün Azrâil ine tuta assı kılmaz ana ata

Kimse doymaz o heybete kalktan meded ermez ola

Oğlan gider danışmana salâdır dosta düşmana

Sonra gelmek peşîmâna sana assı kılmaz ola

Evvel gele şol yuyucu ardınca şol su koyucu

İledip keten sarıcı bunlar hâlin bilmez ola

Ağaç ata bindireler sinden yana göndereler

Yeraltına indireler kimse ayrık görmez ola

Üç güne dek oturalar hep işini bitireler

Ol dem dile getireler ayrık kimse anmaz ola

Yûnus miskin bu öğüdü sen sana versen yeğ idi

Bu şimdiki mahlûkata öğüt assı kılmaz ola

Yûnus

Son Yazılar