Anber saçuñ girihlerine el uralı bâd

Anber saçuñ girihlerine el uralı bâd

Müşgi Hıtâ-y-ıla dahı itmedi kimse yâd

Bülbül güli yañaguña beñzetdi subh-dem

Gül bunca hâr içinde açılıban oldı şâd

La'lüñ ümîdi olmasa zahmına gamzeñüñ

Kalmaya-y-ıdı dahı kimesnede bûd u zâd

Cânlar alur gözüñ saçun îmâna kasd ider

Ne zâlim ola ki anda bu resme ola nihâd

Ne ukdedür kemendi saçuñuñ aceb ki anuñ

Bendine tolaşan bulımaz tâ ebed güşâd

Her kim kemer kuşamadı zülfüñ hevâsına

Ömrini vây vâ-y-ıla ney bigi itdi bâd

Vasfında gözüñüñ nice sihr itdi Ahmedî

Bir işvesine biñden anuñ virimedi dâd