Aldı gül-zâr içre su aks-i izâr-ı âlimi

Aldı gül-zâr içre su aks-i izâr-ı âlimi Çekdi güller sûretin manzûr edüp timsâlüni

Adın etmiş gün alup bir aks mir'ât-ı feiek Subh gösterdükce sen ruhsâr-ı ferrûh-fâlüni

Şerha bir gün kılduğun bîdâdı çekmez haşredek Ol melek kim yazmak ister nâme-i a'mâlüni

Seyl-i hun hâlün hayaliyle bozup göz merdümün Merdüm etmiş çeşm-i hun-bâra hayât-i hâlüni

Murğ-ı dil kalmadı kim sayd olmadı bir dem ana Sâkin et pervâzdan şehbâz-ı müşgîn-bâlüni

Koymadı bir kimse cevrün çekmeğe rahmet demi Men 'kıl hun-rîzlik'den gamze-i kattâlüni

Gam günü üstümde senden gayrı yoh ey dûd-ı âh Lûtf edüp menden götürme sâye-i ikbâlüni

Ey Fuzûlî bes ki gam-nâk oldu ahvâlün soran Gamdan ölsen hîç kim sorma/ dahi ahvâlüni