Akıdur cûy-ı sirişkini rakîb-i nâ-kes

Akıdur cûy-ı sirişkini rakîb-i nâ-kes

Kûyuna ugramasun dirsen eger başını kes

Tekye-i bâgda ezhâr yetişdi cümle

Mürşid-i bâd-ı bahâr eyledi var ise nefes

Çekilür kâfile-i `ömr diyâr-ı `ademe

Nâle-i cân u dil ol kâfileye bang-ı ceres

Dil ki mânend-i habâb oldı hevâyî-meşreb

Eyledi bâde-i la`l-ı leb-i cânânı heves

Kûyına girye ile vâsıl olursak ne`aceb

Bâga gelmez mi akar su ile Yahyâ niçe has