Aks-i müjgân ile ey dil-ber-i şîrîn-harekât

Aks-i müjgân ile ey dil-ber-i şîrîn-harekât

Sanurum ruhlarun i`râb konulmuş âyât

Kuvvet-i kalb olur ey mâh güler yüz senden

Yohsa hiç sana mukâbil mi olurdı mir`ât

Zevkdür lâzım olan ni`met içinde olana

N’idügin lezzet-i şekker ne bilür çûb-i nebât

Göz mi açdurdı bize cevr ü cefâ-yı eyyâm

Fikr-i bî-hâsıl-ı dünyâyla geçdi evkât

Herkese nutk-ı revân-bahş virilmez Yahyâ

Himmet-i Hızr gerek kim buluna âb-ı hayât