Akl zülfi bendine dîvânedür

Akl zülfi bendine dîvânedür

Cân yüzinüñ şemc ine pervânedür

Bu kamer devrinde fitne gözüñüñ

Gâh kasdı dîn ü gâh îmânedür

Vasluña çâre nedür didüm didi

Şem bigi ışk odına yanedür

Cânuma kan nice kût ola didüm

Didi âşık kûtı kandur yâ nedür

Râyigândur ger girür-ise ele

Bir nefes vaslı eger biñ cânedür

Olalı ışkuñ-ıla cân âşinâ

Ne cihân cândan dahı bî-gânedür

Zülf ü hâlüñ cân hümâyin dutmaga

Anberîn dâm-ıla müşgîn dânedür

Hoş hevâdur la'lüñüñ ışkı anı

Kim heves itse yiri mey-hânedür

Ahmedî peymân idüpdür bâdeden

Sıyan ol peymânı bir peymânedür