Akar yaşum olıcak dîdeden nihân ülker

Akar yaşum olıcak dîdeden nihân ülker

Diler ki göstere çeşm-i güher-feşân ülker

Fetîli şu’ le virür tâze dâglar yakdum

Murâdum ol ki ide sînede mekân ülker

Çü zülfi halkalarından görine ruhsârı

Şeb-i siyâhda gûyâ olur ‘ âyân ülker

Metâ’ -ı hüsni bilürlerdi ne kumâş idügin

Sen olmasan eger ey şûh-ı dil-sitân ülker

İzâr-ı yâr ‘ araknâk olınca ey Bâkî

Görenler itdi sanur mâh ile kırân Ülker