Akar mîzâb-ı çeşmimden sirişk-i dîde âb âsâ

Nola kendim döğersem taşlar ile âsyâb âsâ

Hevâ-yı aşk ile deryâ-yı eşkim cûşa geldikçe

Kıbâb-ı nüh felek anda görünür bir habâb âsâ

Gecemiz rûz-ı rûşen oldu belki rûzdan rûşen

Şu dem ki şem-i rûyun arza kıldın âfitâb âsâ

Kemâne döndü kaddim târa benzer za’fdan cismim

Acep mi nâle kılsam bezm-i aşkında rebâb âsâ

Acep mi Nefi’yâ bârân-ı eşkim dinmese bir dem

Ne yerdeyim ne gökte bâd-ı aşk ile sehâb âsâ

Nef'î

Son Yazılar