Agyâra kıldı hançer ile gamzesi hücûm

Agyâra kıldı hançer ile gamzesi hücûm

Küffâra çekdi tîgını san pâdişâh-ı Rüm

Ol kim livâ-yı feth ü zafer reh-berin çeker

Sahn-ı fezâ-yı çarhda ser-’ asker-i nücûm

Şemşîr-i tâbnâk u ziyâ-bahşı gûyiyâ

Âhendür oldı Hazret-i Dâvûd elinde mûm

Gelmez senüñle ma’ rekeye hasm-ı kûr-baht

Olmaz hümâ-yı devlete hem-sâye bûm-ı şûm

Bâkî nisâr-ı hâk-i kadem kıl vücûduñı

Şol günde kim irişe gele müjde-i kudüm