Acı sözler niyyet eylersen de olmam bî-huzûr
- Enes
- 4 Ara 2019
- 1 dakikada okunur
Acı sözler niyyet eylersen de olmam bî-huzûr
Çünki eyler ol zebân ile o leblerden sudûr
Artug olur bîm-i cân âşıklara hikmet nedür
Her kaçan hûnî gözünde hüsrevâ olsa fütûr
Bir cemâl-i bâ-kemâlün olmuşuz meftûnı kim
Bakdugı mir'ât ider hurşîd gibi feyz-i nûr
Korkarın cennetde de uşşâk râhat görmeye
Ögrenürse şîve-i hûbân-ı Istanbul'ı hûr
Serv-kaddinden bizi Hak itmeye Yahyâ cüdâ
Üstümüzden sâye-i lutf-ı Hudâ olmaya dûr
Comments