‘Aceb hayrân oldum ‘aşka uyaldan

‘Aceb ḥayrân oldum ‘aşḳa uyaldan

Yanup biryân oldum ‘aşḳa uyaldan

Ne aṣṣı farḳ iderem ne ziyânı

Külli virân oldum ‘aşḳa uyaldan

Ṣabr ideyin direm ṭurmaz bu dilim

Söyler ozan oldum ‘aşḳa uyaldan

Dökülür bu dilden dürr ü cevâhir

Gizli ‘ummân oldum ‘aşḳa uyaldan

Kim eydür uṣludur kim eydür delü

Ḫalḳa seyrân oldum ‘aşḳa uyaldan

Uçdı râḥat ḳuşı miḥnet uyandı

Derde dükkân oldum ‘aşḳa uyaldan

İlm-i ḥikmet-ile ṭoldı vücûdum

Ayn-ı ‘irfân oldum ‘aşḳa uyaldan

Ṣalâdur nefesim içen ‘âşıḳa

Âb-ı ḥayvân oldum ‘aşḳa uyaldan

Ümmî Sinân eydür ḳalmadı bir ġam

Özge sulṭân oldum ‘aşḳa uyaldan